Assistance for Individuals In Crisis Situation

Ini in programa han DSWD ngan an pondo in tikang ha Conggressional Fund ni Hon. Cong. Fe Abunda nga gin-alotaga ha aton bungto.

An nasabi nga pondo in kanan tuig 2020 pa. Waray ini kahimugso tungod kay waray panginanua han aton MSWD Officer han tuig 2020. Nasabtan ini naton komo Mayor dida han meeting ha DSWD Regional Office han naglabay nga semana.

Ginpanginano naton ini komo iyo Amay han Bungto, sanglit nahatagan gihapon kita hin higayon nga makapagpay-out ha luyo han inaction han aton MSWDO.

Tungod kay delatar na ini hin duro, dagmit an proseso nga ginhatag ha aton han DSWD. Ngan tungod nga ira ini programa, an mga qualifications hini tikang ha ira, nga asya an masunod:

1. Mga PWD nga may panginahanglan an/o aada ha krisis

2. Mga senior citizen nga waray bisan ano nga pensyon o waray ha bisan ano nga rehistro hin pensyon, gawas la han mga maluyahoy na gud ngan/o aada ha krisis nga kamutangan

3. Mga solo parent nga waray stable source of income ngan/o aada ha krisis nga kamutangan

4. Mga namatayan han hini nga madali nga panahon

5. Mga may panginahanglan medikal, sugad han nahospital o nagastos ha maintenance.

Limitado la an pondo hini. 250 la an slots nga ginhatag ha aton bungto. Sanglit, diri ngatanan hini makakakarawat, gawas la nga may screening an DSWD.

Para han kasayuran han ngatanan, an tigdumara hini nga programa asya an DSWD ngan an LGU an nagpasilitar pinaagi na han Opisina han Mayor nga gindelegar ha aton Community Affairs ngan Barangay Affairs, pareho ilarom han Mayor’s Extension Office. Ini tungod kay han kawaray aksyon han aton MSWDO.

Ha luyo han ngatanan nga pagtisting, malinampuson gihapon ini nga nadumara yana nga adlaw.